Ketó pizza með geitaosti
María Krista deilir hér með okkur uppskrift af girnilegri ketó pizzu með geitaosti
- 180 g mosarella ostur
- 2 msk rjómaostur
- 60 g möndlumjöl frá NOW
- 20 g hörfræmjöl frá NOW
- 1 tsk edik
- 1 egg
- 1/2 tsk salt
Hitið ostana saman í örbylgjuofni þar til þeir verða fljótandi. Bætið við öðru innihaldi og hrærið vel saman.
Fletjið út með olíubornum fingrum eða notið 2 arkir af smjörpappír í verkið. Pikkið í botninn með gaffli.
Bakið botninn á 200° hita með blæstri þar til hann er byrjaður að brúnast, ca 5-10 mín.
- 4-6 msk geitaostur
- sletta af rjóma
- 1 gulur laukur
- fersk basilika
- 3 msk balsamikedik
Þynnið út geitaost með dálitlum rjóma svo hægt sé að smyrja honum á pizzuna.
Steikið lauk upp úr smjöri þar til hann karmellast. Salt og pipar eftir smekk.
Dreifið úr ostinum á pizzabotninn, setjið laukinn yfir, basiliku og/eða ruccola og dreifið balsamediki yfir í lokin.
Gott er að setja örlítið af sykurlausu sýrópi yfir pizzuna.
